ശുഭയാത്രാ പദ്ധതി
വിദേശരാജ്യത്തേയ്ക്ക് പഠനത്തിനോ, ഉദ്യോഗത്തിനോ (തൊഴില്‍ കുടിയേറ്റം) പോകുന്ന കേരളീയർക്ക് സംസ്ഥാനത്തെ ദേശസാൽകൃത ബാങ്കുകള്‍, മറ്റ് അംഗീകൃത ധനകാര്യസ്ഥാപനങ്ങള്‍ എന്നിവ വഴി സബ്സിഡിയോടെയുളള വായ്പകള്‍ ലഭ്യമാക്കുന്നതാണ് ശുഭയാത്രാ പദ്ധതി. പ്രവാസ സഹായി- വായ്പാ പദ്ധതി വഴി വിദേശത്ത് തൊഴില്‍ കുടിയേറ്റത്തിന് സഹായകരമാകുന്ന നൈപുണ്യവികസനത്തിനും, വിദേശഭാഷാ പരിശീലനത്തിനും വായ്പകള്‍ ലഭിക്കും. ആരോഗ്യമേഖലയിലെ പ്രൊഫഷണലുകൾക്ക് O.E.T, I.E.L.T.S പരിശീലനത്തിനും വായ്പ ലഭ്യമാക്കും. ഉദ്യോഗാർത്ഥികള്‍ ഏഴാം മാസം മുതൽ പലിശ നൽകിയാൽ മതിയാകും.
രജിസ്റ്റർ ചെയ്ത റിക്രൂട്ടിംഗ് ഏജൻസികൾ മുഖേന മാത്രം ലഭിച്ച ഓഫർ ലെറ്റർ ഹാജരാക്കിയാൽ ഓരോ അപേക്ഷകനും 1 ലക്ഷം രൂപ വരെയാണ് വായ്പക്ക് അർഹത. നാലു വർഷത്തേക്ക് 4% പലിശ ഇളവും ലഭിക്കും. ഒപ്പം വിദേശ തൊഴിൽ കുടിയേറ്റവുമായി ബന്ധപ്പെട്ട പ്രാരംഭ ചെലവുകൾക്കായും SUBHAYATRA-പദ്ധതി വഴി വായ്പ ലഭ്യമാകും.
Schemes list
Join Our Mailing List
For receiving our news and updates in your inbox directly.
നോർക്ക വകുപ്പിന് കീഴിലുള്ള ഒരു ഫീൽഡ് ഏജൻസിയായി 2002-ൽ സ്ഥാപിതമായ നോർക്ക റൂട്ട്സ്, പ്രവാസി മലയാളികൾക്കുള്ള (NRK) ക്ഷേമ പദ്ധതികൾ നടപ്പിലാക്കുന്നതിനൊപ്പം, നാട്ടിലേക്ക് മടങ്ങിഎത്തുന്ന പ്രവാസികളുടെ പുനരധിവാസം സുഗമമാക്കുന്നതിനും പരാതികൾ പരിഹരിക്കുന്നതിനും അവരുടെ അവകാശങ്ങൾ സംരക്ഷിക്കുന്നതിനുമുള്ള ഒരു നോഡൽ ഏജൻസി എന്ന നിലയിൽ പ്രവർത്തിക്കുന്നു. വിദേശത്ത് നിന്ന് തിരികെയെത്തിയ പ്രവാസികളുടെ വ്യവസായ സംരംഭങ്ങൾ മെച്ചപ്പെടുത്തുന്നതിനാവശ്യമായ വൈദഗ്‌ധ്യപരിശീലനം, ലഭ്യമായ വിഭവങ്ങൾ അനുയോജ്യമായ രീതിയിൽ വിനിയോഗിക്കുന്നതിന് ആവശ്യമായ ഉപദേശം നൽകുക എന്നിവയും നോർക്ക റൂട്സിന്റെ പ്രവർത്തനങ്ങളിൽ പെടുന്നു. പ്രവാസി മലയാളികൾക്ക് കേരളത്തിനുള്ളിലെ വ്യവസായ സംരംഭങ്ങളിൽ നിക്ഷേപം നടത്തുന്നതിനും അതിലൂടെ ജീവിതം മെച്ചപ്പെടുത്തുന്നതിനും നോർക്ക റൂട്സ് സഹായിക്കുന്നു. നോർക്ക റൂട്ട്‌സിൻ്റെ തുടക്കം മുതൽ, ആഗോളതലത്തിൽ എൻആർകെ കമ്മ്യൂണിറ്റിയെ അവർക്ക് അർഹമായ അവസരങ്ങളും പിന്തുണയും നൽകി ശാക്തീകരിക്കുന്നതിലും പരസ്പരം ബന്ധിപ്പിക്കുന്നതിലും നോർക്ക റൂട്ട്‌സിനുള്ള പങ്ക് വളരെ പ്രധാനമാണ്.
© 2025 Norka Roots. All Rights Reserved.
