ലോക കേരള കേന്ദ്രം
സംസ്ഥാന സർക്കാരും പ്രവാസി മലയാളികളും തമ്മിലുള്ള ബന്ധം മെച്ചപ്പെടുത്തുക എന്ന ഉദ്ദേശത്തോടെ ഒരു ലോക കേരള കേന്ദ്രം സ്ഥാപിക്കുന്നതിനും അതിന്റെ ഭാഗമായി ഓരോ പ്രദേശത്തിനും NRK കമ്മ്യൂണിറ്റിക്കും അനുയോജ്യമായ വ്യവസായ, ക്ഷേമ പദ്ധതികൾ ആവിഷ്‌കരിച്ച് നടപ്പാക്കുന്നതിനും നോർക്ക ലക്ഷ്യമിടുന്നു. ഇതോടൊപ്പം, വിദേശത്ത് നിന്നും മടങ്ങിവരുന്നവരുടെ സജീവ പങ്കാളിത്തവും നിക്ഷേപവും ഈ സംരംഭത്തിന്റെ അവിഭാജ്യഘടകമാണ്. നോർക്കയുടെ ഉടമസ്ഥതയിൽ മാവേലിക്കരയിലുള്ള അഞ്ച് ഏക്കർ സ്ഥലം വികസിപ്പിച്ച് ലോക കേരള കേന്ദ്രം സ്ഥാപിക്കുന്നതിനാണ് നോർക്ക ഉദ്ദേശിക്കുന്നു.
ലോക കേരള കേന്ദ്രം ആരംഭിക്കുന്നതിലൂടെ, മറ്റ് സർക്കാർ ഏജൻസികളുമായി സഹകരിച്ച് പ്രയോജനപ്രദവും പ്രായോഗികവുമായ പദ്ധതികളും സേവനങ്ങളും സൂക്ഷ്മമായി രൂപകൽപ്പന ചെയ്യുകയും വികസിപ്പിക്കുകയും ചെയ്യുന്നതോടെ വിദേശത്ത് നിന്ന് മടങ്ങിയെത്തുന്നവർക്ക് കൂടുതൽ നിക്ഷേപ അവസരങ്ങളും തൊഴിൽ സാധ്യതകളും സൃഷ്ടിക്കുകയാണ് ഇതിലൂടെ ലക്ഷ്യമിടുന്നത്. ലോക കേരള കേന്ദ്രം അടിസ്ഥാന സൗകര്യ വികസന പ്രവർത്തനങ്ങൾ 2023-24 സാമ്പത്തിക വർഷത്തിൽ ആരംഭിക്കും.
Schemes list
Join Our Mailing List
For receiving our news and updates in your inbox directly.
നോർക്ക വകുപ്പിന് കീഴിലുള്ള ഒരു ഫീൽഡ് ഏജൻസിയായി 2002-ൽ സ്ഥാപിതമായ നോർക്ക റൂട്ട്സ്, പ്രവാസി മലയാളികൾക്കുള്ള (NRK) ക്ഷേമ പദ്ധതികൾ നടപ്പിലാക്കുന്നതിനൊപ്പം, നാട്ടിലേക്ക് മടങ്ങിഎത്തുന്ന പ്രവാസികളുടെ പുനരധിവാസം സുഗമമാക്കുന്നതിനും പരാതികൾ പരിഹരിക്കുന്നതിനും അവരുടെ അവകാശങ്ങൾ സംരക്ഷിക്കുന്നതിനുമുള്ള ഒരു നോഡൽ ഏജൻസി എന്ന നിലയിൽ പ്രവർത്തിക്കുന്നു. വിദേശത്ത് നിന്ന് തിരികെയെത്തിയ പ്രവാസികളുടെ വ്യവസായ സംരംഭങ്ങൾ മെച്ചപ്പെടുത്തുന്നതിനാവശ്യമായ വൈദഗ്‌ധ്യപരിശീലനം, ലഭ്യമായ വിഭവങ്ങൾ അനുയോജ്യമായ രീതിയിൽ വിനിയോഗിക്കുന്നതിന് ആവശ്യമായ ഉപദേശം നൽകുക എന്നിവയും നോർക്ക റൂട്സിന്റെ പ്രവർത്തനങ്ങളിൽ പെടുന്നു. പ്രവാസി മലയാളികൾക്ക് കേരളത്തിനുള്ളിലെ വ്യവസായ സംരംഭങ്ങളിൽ നിക്ഷേപം നടത്തുന്നതിനും അതിലൂടെ ജീവിതം മെച്ചപ്പെടുത്തുന്നതിനും നോർക്ക റൂട്സ് സഹായിക്കുന്നു. നോർക്ക റൂട്ട്‌സിൻ്റെ തുടക്കം മുതൽ, ആഗോളതലത്തിൽ എൻആർകെ കമ്മ്യൂണിറ്റിയെ അവർക്ക് അർഹമായ അവസരങ്ങളും പിന്തുണയും നൽകി ശാക്തീകരിക്കുന്നതിലും പരസ്പരം ബന്ധിപ്പിക്കുന്നതിലും നോർക്ക റൂട്ട്‌സിനുള്ള പങ്ക് വളരെ പ്രധാനമാണ്.
© 2025 Norka Roots. All Rights Reserved.
